HATAW! D'yaryo ng Bayan hatawtabloid.com
HINAYANG na hinayang ang aming source sa kinauwian ng buhay ngayon ng napakahusay pa manding male singer na ito.
Sinayang daw kasi nito ang maituturing na ikalawang pagkakataong ipinagkaloob sa kanya para matutukan niyang muli ang kanyang career.
“’Di ba, nagkasakit siya noon ng malubha? Tumulong pa nga ang ilang mga kapwa niya singer, ‘di ba? Pero hayun, sa halip na ayusin niya ang buhay niya, nakatagpo pa siya ng bad influence na dyowa niya! Ano pa nga ba, adik-adik ang dyowa ngayon ng singer na ‘yon! Ewan ko nga ba kung bakit hindi nao-Oplan Tokhang ang hitad na ‘yon!”
Ang kinakasama raw ngayon ng singer na ito ang salot sa buhay niya.
“Sige, tell me…may dyowa kang addictus benedictus, huwag mong sabihing ni tikim, eh, hindi mo sinubukang magdroga? Kahit curiosity man lang, eh, ita-try mong mag-shabu, ‘no! Naku, sayang na sayang ang singer na ‘yon, tumanda na nng paurong!”
Da who ang male singer na ito na ayaw na ring kunin ng mga show producer dahil sa nag-iba na ang pag-uugali? Itago na lang natin siya sa alyas na ice cream flavor lang ang peg…Buko Macapuno.
(Ronnie Carrasco III)
