HATAW! D'yaryo ng Bayan hatawtabloid.com
MALAKI na nga ang ipinayat ni Sylvia Sanchez pagkalipas ng isang buwang mahigit naming hindi pagkikita dahil abala siya sa #operation taba program niya.
Nitong Lunes ay guest siya sa Tonight with Boy Abunda para sa promo ng Ipaglaban Mo na mapapanood sa Sabado pagkatapos ng It’s Showtime.
Nitong Hunyo nagsimula ang #oprationtaba program si Sylvia at kinuha niyang trainor ang Southeast Asian Games champion sa Track and Field at Long Jump na si Elma Muros-Posadas na apat na araw ang training sa ULTRA simula 6:30 a.m. hanggang 1:00 p.m..
Pilit naming inaalam kung bakit nagpapapayat si Ibyang, eh, dati naman deadma siya, “wala lang, gusto ko lang, mahirap din kasi ang mataba, nahihirapan akong gumalaw o kumilos,” giit sa amin.
Dahil lupaypay lagi sa training, “tulala ako minsan. Pagkagaling ko ng training, maliligo lang ako, tapos tulog na, gabi na ako gigising para makita ko naman ang pamilya ko. Tapos ganoon na naman the following day, training, uwi ng bahay tutulog, basta from Monday hanggang Thursday. ‘Pag Sabado, roon ko palang nagagawa ‘yung mga dapat kong gawin, pero wala pa rin, feeling ko pagod na pagod pa rin ako, kaya tulog ako ng tulog.”
Kaya naman lalong nanghina ang aktres nang mag-taping siya ng Ipaglaban Mo sa Boso-Boso, Rizal nitong nakaraang linggo.
Kuwento pa ni Ibyang, “nakita (trainor) ‘yung braso ko na medyo laylay na kasi pumayat ako, hayun, pinagbuhat ako ng barbell, heto hindi ko maidiretso ang kanang kamay ko, sobrang sakit, ininuman ko na nga ng gamot.”
FACT SHEET – Reggee Bonoan
