Maute sister arestado malapit sa Iloilo Port

ARESTADO ang kapatid na babae ng Maute brothers, at dalawang iba pa malapit sa Iloilo port nitong Linggo.

Sinabi ni Capt. Leopoldo Panopio, commander ng Philippine Coast Guard (PCG) sa Northern Mindanao, inaresto ang Maute sister habang lulan ng 2GO’s MV St. Therese of the Child Jesus malapot sa Iloilo port.

Ayon kay Panopio, naispatan ng coast guard personnel ang Maute sister, pansamantalang hindi ibinunyag ang pangalan, sa Cagayan de Oro City port nitong Sabado ng gabi.

“Bago makadaong sa pantalan ay sinalubong na namin para makuha,” aniya.