HATAW! D'yaryo ng Bayan hatawtabloid.com
ISANG alamat ang pumanaw na itinuturing na haligi sa mundo ng Philippine Sports.
Ang Philippine sports broadcasting legend na si Carlos “Bobong” Velez ay pumanaw kamakalawa ng gabi.
Si Velez, 71-anyos, ang nagtayo ng Vintage Enterprises — ang naging tahanan ng Philippine Basketball Association sa loob ng dalawang dekada.
Kasama ang kapatid na si Ricky, binuo ang sports broadcasting network na Vintage noong 1978 bago nakuha ang karapatang iere ang pinakamatandang liga sa Asya na PBA noong 1978.
Itinampok ng Vintage ang maituturing na “Golden Age” ng sports broadcasting gayondin ang PBA dahil sa pagkakasilang ng mga alamat na sportscaster ng Filipinas at ang tagumpay ng koponang Crispa at Toyota.
Naganap sa ilalim ng Vintage ang pinakamalupit na karibalan sa Philippine Sports na Crispa at Toyota, kung kailan din nasaksihan ang kauna-unahang grandslam sa PBA mula sa Redmanizers.
Isinilang sa Vintage ang mga alamat na broadcasters na sina Joe Cantada, Pinggoy Pengsan, Ronnie Nathanielsz, Jun Bernardino, Butch Maniego, Rommy Kintanar, Andy Jao, Quinito Henson, Steve Katan, Joaqui Trillo, Sev Sarmenta, Ed Picson, Freddie Webb, Chino Trinidad, Jimmy Javier, Noli Eala at Bill Velasco gayondin ang ngayo’y coaches na sina Tim Cone at Norman Black.
Ang Vintage ni Velez ang nagbigay-daan sa pag-usbong ng karera ni 8-division world champion Manny Pacquiao sa kanilang palabas na Blow by Blow.
ni John Bryan Ulanday
