Mestisang aktres, napipilitang kumapit sa patalim kahit may regular TV work

TABLADO ang isang aktres sa dating sexy star na noo’y nagbu-book sa kanya bilang dagdag-kita sa kanyang trabaho.

Obvious ang tinutumbok naming sideline ng aktres, hindi kasi sapat ang kanyang kinikita para tustusan ang kanyang mga gastusin.

Lately ay tumawag ang aktres sa kanyang dating bugaloo. Nakikiusap ito na kung maaari’y i-book siya. Aniya, kinakapos siya. Lumalaki na rin ang kanyang mga bayarin.

Pero bigo ang aktres na hanapan ng solusyon ang kanyang matinding pangangailangan. Pinrangka kasi siya ng dati niyang kontak na aktres na matagal na nitong tinalikuran ang pambubugaw.

“Kung gusto mo, pauutangin na lang kita. Pero para i-book kita uli, sorry, hindi ko na gawain ‘yan,” panonopla nito sa aktres.

Da who ang mestisang aktres na kahit may regular TV work ay napipilitan pa ring kumapit sa patalim? Itago na lang natin siya sa alyas na Marissa Sinandomeng.

(Ronnie Carrasco III)