HATAW! D'yaryo ng Bayan hatawtabloid.com
HINDI kapiling ni Sam Milby ang girlfriend niyang si Mari Jasmine sa ika-33rd birthday niya kahapon (Mayo 23) dahil kasalukuyang may trabaho ang dalaga sa Spain.
Pawang kaibigan ni Sam sa showbiz at buong Cornerstone family ang kasama niya sa birthday salubong noong Martes ng gabi na ginanap sa isang restaurant.
Nasa condo unit lang niya si Sam kahapon dahil nagpapahinga, nagkasakit pala siya bago dumating ang kaarawan dala ng mainit na panahon.
Hindi na natuloy ang plano ng singer/actor na pumunta ng ibang bansa sandali dahil sunod-sunod ang promo niya para sa album na Sam: 12 na pawang sold out ang CD’s sa ginanap nitong mall show sa Venice Piazza Grand Canal Mall, Taguig City at Harbor Point, Subic nitong magkasunod na weekend.
Natuwa si Sam dahil positibo ang feedback sa single niyang Who’s That Girl mula sa Star Music.
Back to work na ulit ang aktor dahil may mga pelikula siyang gagawin sa Regal Entertainment at Viva Films na hindi pa puwedeng i-reveal ang makakasama niya.
FACT SHEET – Reggee Bonoan
