Miyembro ng Kadamay, timbog sa buy-bust

INARESTO ang isang miyembro ng Kalipunan ng Damayang Mahihirap (Kadamay), nang maaktohan habang tumitira ng shabu, kasama ang dalawang iba pa, sa Pandi, Bulacan, kamakalawa.

Kinilala ang suspek na si Michael Morillo, 35, habang nakatakas ang dalawa niyang kasama na sina Rico Germar at Reynaldo Mauricio.

Sa ulat mula kay Chief Insp. Mike Bernardo, deputy chief of police ng Pandi, si Morillo ay kabilang sa Kadamay members na omukupa ng mga bahay sa AFP/PNP housing project sa Villa Louise.

Ibinunyag din ni Bernardo na kasama si Morillo sa daan-daan Kadamay members na sumama sa kilos-protesta sa iba’t ibang bahagi ng Metro Manila, at humihiling ng disenteng trabaho.

Nahaharap ang suspek sa kasong paglabag sa Dangerous Drugs Act of 2002. (MICKA BAUTISTA)