HATAW! D'yaryo ng Bayan hatawtabloid.com
PATAY ang isang police asset makaraan pagbabarilin ng hindi nakilalang suspek sa Caloocan City, kamakalawa ng hapon.
Agad binawian ng buhay ang biktimang kinilala sa alyas na Juvilyn, 25-35 anyos, bunsod ng tama ng bala sa ulo at katawan.
Batay sa ulat ni Caloocan City Police chief, Senior Supt. Chito Bersaluna, dakong 3:00 pm, dinala ng suspek ang biktima sa bakanteng lote ng BMBA compound sa Brgy. 120 at doon pinagbabaril.
Ayon sa ilang mga re-sidente, sa kanilang pagkakaalam ay nagtatrabaho sa Monumento ang biktima kaya nagulat sila nang mabatid na isang police asset si Juvilyn.
(ROMMEL SALES)
