HATAW! D'yaryo ng Bayan hatawtabloid.com
BUKOD kay Dimples Romana bilang si Amanda na salbahe sa inang si Gloria Alegre sa The Greatest Love, kasama rin si Arron Villaflor sa kinasusuklaman sa kuwento bilang si Paeng dahil sobrang pasaway sa ina.
Kaya tulad ni Dimples ay ano naman ang reaksiyon ni Arron sa mga taong galit na galit sa kanya.
“Mas hate na ngayon si ate Amanda kaysa akin kasi bati na kami ng nanay ko, ha, ha, ha,” tumawang sabi ni Arron.
Dagdag pa, “actually, nagpapasalamat ako sa karakter ko, sobrang blessed nga ang karakter ko kasi from black, he went to grey, ngayon puti na so ‘yun na talaga, clear na ako, tanggap na kung ano ang buhay ng Alegre ngayon.
“Happy ako sa project na ito at hindi ako nagdalawang isip para tanggapin ito, thank you Ms Ginny (Ocampo-business unit head) dahil bago ko tanggapin ang project na ito, pinag-usapan namin ang karakter ko and I’m so thankful and blessed dahil maganda ang journey ni Paeng.”
Kapag may nababasa si Aaron na violent reactions sa social media ay masaya siya dahil effective siya sa karakter niya bilang si Paeng at higit sa lahat alam niya na sa bawat tao ay nakare-relate sa karakter niya.
“Sa lahat ng mga nagagalit kay Paeng o nakaiintindi kay Paeng, for sure mayroon ding silang puso para sa mga nasaktan nila at binibigyan din sila ng pagkakataon para mag-sorry sa mga nasaktan nila at iyon ang nagyari sa akin dito (kuwento ng TGL),” pahayag ni Aaron.
At sa nalalapit na pagtatapos ng The Greatest Love, aminado ang buong cast na mami-miss nila ang bawat isa dahil iisang pamilya sila.
“Oo, sobrang mami-miss namin ‘yung kulitan namin sa set, ‘yung lagi kaming nagkakantahan, ‘yung nagla-live ako parati sa set tapos ipo-post sa Instagram. Marami kaming mami-miss talaga,” say ng aktor.
FACT SHEET – Reggee Bonoan
