Kadamay sa Pabahay palalayasin

PALALAYASIN ni Pangulong Rodrigo Duterte ang grupong Kadamay, na umokupa sa mga pabahay ng gobyerno sa Pandi, Bulacan.

Ayon sa pangulo, maglalabas siya ng eviction order para paalisin ang mga miyembro ng grupo, na wala namang hawak na kaukulang dokumento para sa nasa-bing pabahay.

Aniya, hindi niya palalagpasin ang marahas na pag-ukopa ng grupong Kadamay, na lumikha ng kaguluhan sa mga tahimik na mamamayan sa naturang bayan.

Sinabi ni Pangulong Duterte, anarkiya ang ginawa ng Kadamay dahil imbes na makipag-diyalogo sa mga kinauukulan ay biglang sumugod, at pilit na pinaalis ang mga pamilyang naninirahan sa lugar.

Dagdag ng pangulo, hindi siya papayag na ang gobyerno ay gagawing inutil ng Kadamay, na patuloy na umookopa sa mga pabahay sa Pandi.

(MICKA BAUTISTA)