HATAW! D'yaryo ng Bayan hatawtabloid.com
ARESTADO ang isang pintor makaraan gahasain ang isang 21-anyos estudyante sa Navotas City, kahapon ng umaga.
Kinilala ang suspek na si Ariel Ordeta Agapito, 35, taga-Block 27, Lot 20, Phase 2, Area 1, Brgy. North Bay Boulevard South (NBBS) ng nasabing lungsod.
Sa salaysay ng biktimang si “Jael,” 2nd year college student, kay PO1 Chona Riano ng Women’s and Children’s Protection Desk, dakong 7:30 am nang maganap ang insidente sa loob ng bahay ng suspek.
Naglalakad ang biktima nang mapadaan sa tapat ng bahay ng suspek. Nagulat ang biktima nang bigla siyang kinalawit sa leeg ng lasing na suspek, tinutukan ng patalim at ipinasok sa kanyang bahay.
Nagpumiglas ang biktima ngunit tinakot na papatayin ng suspek kaya walang nagawa hanggang sa mailugso ang kanyang puri.
Makaraan ang insidente, agad humingi ng tulong ang biktima sa himpilan ng pulisya at mabilis na nadakip ang suspek. (ROMMEL SALES)
