HATAW! D'yaryo ng Bayan hatawtabloid.com
PATAY ang isang tindera makaraan pagbabarilin ng riding-in-tandem, ngunit namatay rin ang isa sa mga suspek, nang habulin ng live-in partner ng biktima at binundol, sa Marilao, Bulacan, kamakalawa ng umaga.
Ayon sa pulisya, nagbubukas pa lamang ng tiangge si Ma. Luz Guirao, nang lapitan ng isang armadong lalaki, at pinagbabaril sa Ruby St., Villa Consuelo Subdivision, Brgy. Abangan Sur, sa naturang bayan.
Habang papatakas ang suspek lulan ng motorsiklo na minamaneho ng kanyang kasama, hinabol sila ng live-in partner ng biktima na si Mr. Delos Santos, lulan ng sasakyan, at binundol ang dalawa.
Tumilapon ang mga suspek, nagresulta sa pagkamatay ng isa sa kanila bunsod nang pagkabasag ng bungo.
Ngunit matagumpay na nakatakas ang isang suspek lulan ng motorsiklo. (MICKA BAUTISTA)
