HATAW! D'yaryo ng Bayan hatawtabloid.com
SUPER daming fans pala ng ToMiho loveteam na sina Tommy Esguerra at Miho Nishida dahil sa nakaraang premiere night ng Foolish Love ay hiyawan sila ng hiyawan kapag ipinakikita na sa malaking screen ang dalawa at mas lalong tumindi noong maghalikan pa.
Tadtad kasi ng kissing scene ang pelikulang Foolish Love sa pangunguna nina Jake Cuenca at Angeline Quinto, pero hindi rin naman nagpatalo ang ToMiho kasi nakarami rin sila, wala nga lang bed scene, pero may swimming pool scene na naka-two piece naman si Miho at in fairness, ang sexy niya, huh kaya siguro mas lalong na in-love sa kanya si Tommy na naka-short naman.
Nagpa-block screening din ang ToMiho fans.
Kuwento nga ng katotong Roldan Castro na sobrang generous ang fans nina Tommy at Miho dahil may mga negosyo na kaya all out sila sa pagsuporta sa dalawa, unlike sa ibang love teams na may mga estudyante pa kaya medyo tipid sila sa resources, pero may mga tulong naman silang natatanggap mula sa ibang fans club sa ibang bansa.
Going back to ToMiho, mukhang sa kasalan na rin mauuwi ang relasyon nila dahil open naman silang mahal nila ang isa’t isa. Makikita naman sa body language nila na gusto na nilang sila na ang magkatuluyan.
Parang mas in-love yata si Miho kasi binigyan niya ng regalo si Tommy dahil finally may pelikula na sila.
Katwiran ni Miho, “special day namin ito because, siyempre, first movie namin. So, parang gusto ko lang siyang bigyan ng kahit isang maliit na things na tatatak na first movie, gusto ko siyang bigyan ng something.
Reaksiyon naman ni Tommy, “sobrang nagulat ako. I’m like, ‘Ano ‘to?’ Usually, lagi ako ‘yung nagbibigay ng gift. Nagbibigay ng surprise!”
Anyway, palabas na ang Foolish Love mula sa Regal Entertainment mula sa direksiyon ni Joel Lamangan.
FACT SHEET – Reggee Bonoan
