HATAW! D'yaryo ng Bayan hatawtabloid.com
ARESTADO ng mga tauhan ng Philippine Drug Enforcement Agency (PDEA) ang isang barangay chairman sa buy-bust operation sa lalawigan ng Bulacan kamakalawa.
Kinilala ni PDEA Director General Isidro S. Lapeña ang suspek na si Henry D. San Miguel, 45, chairman ng Barangay Mag-asawang Sapa, Sta. Maria, sa naturang lalawigan.
Ayon sa ulat, si San Miguel ay kasama sa listahan ng target drug personalities ng PDEA Regional Office 3 (PDEA RO3).
Nakompiska mula kay San Miguel ang isang plastic sachet ng shabu na P23,000 ang halaga.
Si San Miguel ay sasampahan ng kasong paglabag sa Section 5 (Sale of Dangerous Drugs), Article II ng Republic Act 9165 o ng Comprehensive Dangerous Drugs Act of 2002.
Ang suspek ay nakadetine sa PDEA RO3 jail facility sa Camp Olivas, City of San Fernando, Pampanga.
( MICKA BAUTISTA )
