Tiyuhin ng alkalde live-in partner utas sa drug bust

PATAY ang tiyuhin ng isang alkalde at kanyang live-in partner nang lumaban sa mga operatiba ng CIDG Region 3 sa ikinasang buy-bust operation sa Brgy. Sto. Cristo, Pulilan, Bulacan kamakalawa.

Kinilala ang mga namatay na sina Roy Ramos, 37, at Rica Rose Estrada, 26, kapwa reidente sa Sitio Dike, Banga 2nd, Plaridel, Bulacan.

Napag-alaman sa impormasyon, ang napatay na si Ramos ay tiyuhin ni Plaridel, Bulacan Mayor Jocelle Vistan.

Ayon sa ulat, lulan ang dalawa ng isang itim na kotseng walang plaka nang makipagtransaksiyon sa isang poseur buyer. Ngunit nakatunog ang mga suspek kaya nakipagpalitan ng putok sa mga pulis na kanilang ikinamatay.

TSERMAN,3 KAANAK
PATAY SA AMBUSH
SA PANGASINGAN

PATAY ang isang barangay chairman at tatlo niyang kaanak makaraan pagbabarilin ng hindi nakilalang mga suspek sa Sta. Barbara, Pangasinan kamakalawa.

Kinilala ang mga namatay na sina Barangay Banzal Chairman Cecilio Aban, kanyang anak at dalawa pang kamag-anak.

Inaalam pa ng mga awtoridad ang motibo sa krimen dahil wala anilang naikukwento si Aban na nakaalitan niya.

Pinag-aaralan din ng mga pulis kung may koneksiyon sa droga ang pamamaril.

ni MICKA BAUTISTA