2 bata nalunod sa ilog (Natakpan ng water lilies)

NAGA CITY – Nalunod ang dalawang bata nang matakpan ng kumpol-kumpol na water lilies sa ilog na sakop ng Sta. Justina, Buhi, Camarines Sur kamakalawa.

Ayon kay PO3 Marinette Pili ng Buhi-Philippine National Police, naglalaro sa naturang ilog ang 10-anyos at 14-anyos na mga biktima kasama ang ilang bata sa lugar nang maisipan nilang pumaibabaw sa mga kumpol-kumpol na water lilies sa ilog.

Hindi aniya namalayan ng dalawa na inaanod na ang water lilies hanggang sa mahulog sa spillway kasama ang dalawang bata.

Ngunit pagbagsak ng mga biktima, natakpan sila ng mga water lily at hindi na nakaahon pa.

Agad naisugod sa ospital ang mga biktima ngunit idineklarang dead on arrival ng mga doktor.