HATAW! D'yaryo ng Bayan hatawtabloid.com
ITINANGGI ni Jake Cuenca na nagwala at nagmura siya sa nakaraang Star Magic Ball noong Sabado ng gabi.
Ayon sa balita, habang nagsasalita raw si Jericho Rosales na tumanggap ng icon award ay nagwala at nagmura umano lasing si Jake na noo’y lasing na kaya inawat siya ng handler niya.
Inakala ng lahat na hindi nagustuhan ni Jake ang pagbibigay kay Echo ng Star Magic Icon award dahil dapat daw siya ang bigyan nito.
Ang paliwanag ni Jake pagkatapos ng announcement/presscon ng Ikaw Lang Ang Iibigin, “ay hindi, kaya nagkaroon ng commotion kasi lasing ako, daldal na ako ng daldal most probably kung ano-anong sinasabi ko kaya inaawat ako ng handler ko, hinihila na akong palabas, tapos inakyat na nila ako sa kuwarto ko, hayun, tulog daw ako pagbagsak ko sa kama.”
Tinanong namin kung bakit siya naglasing o uminom, “si Paulo (Avelino) kasi, sabi niya agahan daw naming uminom, eh, hayan, naparami, nalasing kami. Minsan lang naman sa isang taon, sa mga ganitong okasyon lang kasi puro naman kami work,” pangangatwiran ni Jake.
Nahuli ring magka-holding hands sila ni Ellen Adarna, ”ay wala ‘yun, aysus. Magkaibigan kami ni Ellen sobra. Kung may babaeng Jake Cuenca pagdating sa inuman, si Ellen ‘yun. Wala magkaibigan kami.”
Single but not ready to mingle ang sitwasyon ngayon ni Jake dahil kakahiwalay lang nila ng girlfriend niyang si Sara Grace Kelley at focus muna siya sa trabaho lalo’t magiging busy na siya nitong mga darating na araw dahil magsisimula na ang tapings ng Ikaw Lang Ang Iibigin, ang balik tambalan nina Gerald Anderson at Kim Chiu mula sa Dreamscape Entertainment.
Inamin mismo ito ni Jake noong nagkabiruan during Q and A na siya lang ang hindi masaya ang puso dahil sina Kim at Gerald ay parehong masaya in their respective partners at kaagad niyang sinabing, focus nga siya sa trabaho at walang planong magkaroon ng karelasyon.
Bukod kay kina Jake, Gerald, at Kim ay makakasama rin sa Ikaw Lang Ang Iibigin serye sina Ms Helen Gamboa-Sotto, Nicco Manalo, Coleen Garcia, Bing Loyzaga, at iba pa mula sa direksiyon ni Dan Villegas.
FACT SHEET – Reggee Bonoan
