Kris, inihahanda si Bimby sa pakikipagkita sa anak nina James at Michella

NATANONG si Kris Aquino tungkol sa pagkakaroon ng bagong kapatid ni Bimby Aquino Yap sa amang si James Yap sa long time girlfriend nitong si Michella Cazolla na si Michael James na ipinanganak noong Agosto 8 sa St. Lukes Medical Center.

Inamin ni Kris na nagkaroon siya ng agam-agam kung ano ang magiging reaksiyon ni Bimby sa pagkakaroon nito ng kapatid sa ama at sa awa naman daw ng Diyos ay okay daw ang pagtanggap ng anak.

“Thank You Lord, okay siya (Bimby), okay si Bimb, he’s in a good place kasi I’ve been discussing it with him and say that, ‘please tell me when you’re ready (to see the baby) kasi let’s make the call. Let’s be the one to call them and say ‘tita Lea, (Michella),I want to meet my brother’ and them Bimb said, ‘okay mama, I’ll tell you when.’

Napuri si Kris sa mga pahayag niyang ito ng mga taong nasa event dahil akala ng lahat ay walang ginagawang hakbang ang Queen of All Media para magkita ang magkapatid, kasi nga laging nasusulat na itinatago niya si Bimby sa amang si James Yap.

ni REGGEE BONOAN