HATAW! D'yaryo ng Bayan hatawtabloid.com
KAILAN nga ba magsisimulang mag-taping si Kris Aquino ng bago niyang programa sa GMA 7?
Nakatsikahan namin ang non-showbiz friend namin at tinanong kami kung bakit na-cancel ang taping ng TV host noong nakaraang linggo.
At kuwento sa amin, “talk show ang gagawin ni Kris sa GMA, pre-programming ng ‘Eat Bulaga’, kasi Mr. T (Tuviera) naman has the option kung before or after ‘Eat Bulaga’. But I think, it’s before ‘EB’.”
“Ang makakatapat daw, “yung show yata nina Erich (Gonzales) at Daniel (Matsunaga), ‘Be My Lady’ ba ‘yun?”
Sa madaling salita, hindi makakatapat ni Kris ang dating time slot ng programa niyangKris TV na kinuha na ng Magandang Buhay nina Karla Estrada, Melai Cantiveros, atJolina Magdangal.
Sabi pa, “dapat magsimula ng mag-taping si Kris kasi hanggang December na lang ang kontrata ng APT (Entertainment) sa GMA, so paano ‘yun, one season lang ang talk show niya?”
Siguradong ire-renew naman daw ng GMA ang kontrata ng APT Entertainment.
Binanggit din ng aming non-showbiz friend na si Kris daw ang leading lady ni Vic Sotto sa pelikulang entry nito sa Metro Manila Film Festival na may titulong Enteng Kabisote 10 mula sa MZET Films, Octoarts Films, at APT Entertainment.
FACT SHEET – Reggee Bonoan
