HATAW! D'yaryo ng Bayan hatawtabloid.com
NABANGGIT ni Vina Morales sa amin na sinampahan siya ng sandamakmak na kaso ng magkapatid na Cedric at Bernice Lee ng 5 counts of libel at perjury sa Nueva Ecija, Paranaque City at Caloocan City.
Nag-ugat ito noong nagkuwento si Vina sa media na hindi isinauli ang anak na si Ceana sa bahay niya ng ilang araw habang wala siya sa bansa.
Hindi nagustuhan nina Cedric at Bernice ang mga pahayag ng singer/actress kaya siya kinasuhan ng libel at perjury.
Noong Huwebes (Setyembre 15) ng hapon ay si Vina naman ang nagsampa ng reklamo laban sa magkapatid na Cedric at Bernice sa Mandaluyong City ng ng kidnapping, illegal detention, at Republic Act 9262 o Anti-Violence Against Women and Their Children Act of 2004 kasama ang legal counsel niyang si Atty. Lucille Sering.
Pahayag ng aktres, “ayoko sanang ikuwento ito kasi gusto ko tahimik lang, pero lalabas din naman ito at malalaman mo sa ibang reporters.”
Umaasa si Vina na maaayos ang mga problemang ito sa legal na paraan.
Samantala, habang isinusulat namin ang balitang ito ay naghahanda si Vina sa live finale ng Born For You na ginanap kagabi sa KIA Theater.
FACT SHEET – Reggee Bonoan
