HATAW! D'yaryo ng Bayan hatawtabloid.com
KASAMA ang pangalan ni Vice Ganda sa pinaghihinalaang umano’y gumagamit ng party drugs ayon sa isang radio program at nasulat sa isang tabloid (hindi sa Hataw) kasama si Billy Crawford.
Kasalukuyang nasa Hongkong si Vice noong pumutok ang balita kaya hindi namin siya nahingan ng komento.
At kahapon ay nakahabol naman ang TV host/actor sa It’s Showtime at dahil siguro ngarag kaya hindi sinagot ang text message namin.
At kung tama kami ay paalis din si Vice patungong New York City, USA na kasama siya sa invited guest kasama sina Coco Martin at Onyok para sa ASAP20, Live in New York sa September 3 sa Barclay Center, Brooklyn.
Nagtanong kami sa kampo ni Vice, “hindi gumagamit si Vice ng party drugs, social drinking lang ‘yun, at saka paano siya makaka-awra (makakapag-flirt) kapag ngenge na siya?”
Hirit din ng isa pang kasama lagi ni Vice, “alam mo napaka-imposible talaga, si Vice pa, eh, galit nga ‘yan sa mga gumagamit. At saka maski i-check nila, wala siya sa watch list ‘no?”
Samantala, may report naman ang ABS-CBN news na nakapagpa-drug test na raw ang 40 artists ng Star Magic at tatlong artista pa lang ang may 100% resut na negatibo at ito’y sina Jake Cuenca, Diego Loyzaga, at Enrique Gil.
Ang mga hindi pa pinangalanang 37 artists ay muling dadaan sa iba pang series of tests.
FACT SHEET – Reggee Bonoan
