HATAW! D'yaryo ng Bayan hatawtabloid.com
ANG mga kasama sa bagong seryeng Till I Met You na sina Zoren Legaspi, Carmina Villaroel, Angel Aquino, at Pokwang ay umaming mga JaDine fans pala dahil sa seryeng On The Wings of Love at puring-puring nila sina James Reid at Nadine Lustres dahil sobrang professional daw.
Pinigilang magsalita ni Carmina ang asawang si Zoren dahil talagang taklesa raw at baka kung ano pa ang masabi nang tanungin siya kung paano niya ikukompara ang JaDine sa ibang loveteam na nakatrabaho na niya.
Sabi nga ni Carmina, “utang na loob tatay (tawag kay Zoren), ako na lang ang sasagot ha, huwag ka na.”
Kuwento ng aktres, “noong nalaman ko na makakatrabaho ko sila (JaDine), I’m so super-excited, I’ve worked with Nadine, pero sa commercial lang, pero ‘yung silang dalawa, sobrang thrilled, sobrang thankful, at sobrang happy kasi siyempre noong napanood ko sa ‘OTWOL’ ’di ba, super popular, super famous and yet they’re so humble. Ang gusto ko sa kanila (JaDine) ay bumabati sila, very respectful, they’re very dedicated sa kanilang mga trabaho kahit na nakita mong inaantok na, sasabihin lang nila, ‘ate inaantok na ako, pero hindi sila nagre-reklamo at tao lang din sila. They’re very hardworking kaya kung nasaan man sila ngayon, deserved nila. Maraming kissing scene rito, maraming pa-abs.”
Say naman ni Pokwang, “first time ko kasing makatrabaho ang isang love team, noong nakaraang show naman ay walang loveteam, loveteam na ganito. In fact, sila (JaDine) ang excited na maka-trabaho ako,” biro ng komedyana.
“Bakit ika n’yo, tinatanggal ko ang antok nila sa set, eh. Sa umaga ang pangalan ko ‘Agnes’ sa gabi, ‘Agnas’ na, pero nagtatawanan pa rin kami sa set. Sabi nga ni Mina, tao lang din sila (JaDine) na nakikita mong pagod na, pero kapag napapatawa mo sila ay nawawala na rin ang pagod namin.”
Ang magandang sabi naman ni Angel, “noong napanood ko nga ang ‘OTWOL’, I was a big fan, gusto ko talaga silang makasama in person and I’m very happy happy talaga.
“There was a time na I saw them in an event. Starstruck ako, cute na cute kasi ako sa kanila, I find them so cute. One without the other, well individually, they’re great people and I love them as actors, pero together talaga, iba ‘yung magic ng JaDine talaga, I don’t know why.
“But when you see them talaga in person, when they’re looking each other, wala na parang matutunaw ka na lang talaga. At saka ang galing talaga ni direk (Tonet) magpakilig, grabe, ‘yung mga close-ups, mga mata, wala na, you’re taken na.”
Sabagay, halos lahat ng naka-trabaho ng JaDine simula sa pinakamababang posisyon sa production ay puring-puri ang dalawa dahil marespeto sa lahat ng katrabaho at wala rin sa ulo nila ang salitang ‘sikat.
FACT SHEET – Reggee Bonoan
