HATAW! D'yaryo ng Bayan hatawtabloid.com
WALA pa raw final title ang serye nina Jericho Rosales at Arci Munoz ayon mismo kay direk Ruel S. Bayani dahil every three weeks daw ay nagpapalit ng titulo kaya’t lukang-luka na raw siya.
Kuwento ng TV executive, ”ay naku Diyosko, every three weeks iba title kaya sasabihin na lang namin ang title kapag final na.
“Ako ngang producer nalilito, sabi ko nga, ano ba ito, every three weeks (nagpapalit), ‘di ba pumipirma ako ng memo, (kumunot noo pagkabasa ng memo), iba na naman?”
Looking forward na raw si direk Ruel sa tambalang Echo at Arci.
“Siyempre, iba ang ibibigay ni Arci, kalaban niya sa aktingan ay si Jericho kaya nae-excite ako kasi alam naman natin na si Arci ay galing sa ‘Pasion de Amor’, so talagang magandang level-up ito sa kanya. And she’s just really amazing, walang ere hindi mayabang,” kuwento ng boss ng RSB unit.
Sa tanong namin na hindi nga rin conscious si Arci sa billing, ”unang-una hindi ko alam kung sino ang conscious sa billing at ayokong magsalita. Si Arci kasama ko sa ‘Pasion’ for almost a year, ‘di ba, tapos sunod-sunod na ang box movie niya, tapos itong with Echo.”
FACT SHEET – Reggee Bonoan
