Vico, itinangging manliligaw siya kay Maine

ALIW kami na bina-bash ng AlDub fans sa isinulat naming nagpaalam si Vico Sotto sa amang si Vic Sotto na manliligaw kay Maine Mendoza na pinayagan naman daw, sabi ng aming source.

May nagpasa ng isinulat naming AlDub fans kay Vico at sabay tanong kung totoo ito at mariing itinanggi raw ito ng binata.

Okay lang na itanggi at nauunawaan namin dahil kailangan lalo’t mainit ang tambalang Alden Richards at Maine at tiyak namang hindi papayag ang supporters ng AlDub kapag may ibang lalaking mali-link sa dalaga.

Binangit sa amin na hindi na rin tuloy ang Pinoy version ng Koreanovelang My Love From The Star na pagsasamahan sana nina Alden at Jennylyn Mercado dahil nagbago raw ang plano ng GMA 7.

Sabi pa, “kumita ang ‘Imagine You and Me’ at hindi maganda kung ang next project ni Alden ay hindi si Maine kaya dapat may follow-up silang dalawa, kaya instead of Jennylyn, it would be Maine sa teleserye, kasi the next movie will be next year na.”

Kaya alam mo na Ateng Maricris kung bakit itinanggi ha….

FACT SHEET – Reggee Bonoan