HATAW! D'yaryo ng Bayan hatawtabloid.com
ALIW ang pagkaka-spoof nina Vice Ganda at Coco Martin sa pelikulang Girl In The Rain nina Bea Alonzo at Enrique Gil sa episode ng FPJ’s Ang Probinsyano noong Martes ng gabi at talagang tawa kami ng tawa para kaming eng-eng ha, ha, ha.
Si Coco bilang si Cardo ang nagpalit ng gulong ni Vice as Ella habang umuulan at noong natapos at pag-angat ng una ay ang dibdib ng huli ang nabungaran niya na talagang nabighani siya sa ganda.
Sabi nga ni Cardo kay Benny (Pepe Herrera), “Ang tangkad, ang haba ng legs. Hayop! Hayop sa kagandahan.”
Sa tagal nga naman ng pag-ere ng programa ay ngayon lang yata nabighani si Cardo sa kanilang guest na talagang inisip-isip pa niya hanggang sa pag-uwi at inaamoy-amoy ang maong na jacket ni Ella na sadyang iniwan para magkaroon daw sila ng contact.
Walang alam sina Vice at Coco kung ano ang pagkatao ng bawat isa kaya tiyak na magkakagulatan sila kapag nalaman nilang magka-away pala sila.
Samantala, bitin kami sa episode na si Lee O’Brian na boyfriend ni Pokwang naman ang nilalandi ni Vice at talagang artista nga ang una dahil walang effort ang acting niya habang pasulyap-sulyap siya kay Ella (Vice).
FACT SHEET – Reggee Bonoan
