HATAW! D'yaryo ng Bayan hatawtabloid.com
CAMP OLIVAS, Pampanga – Patay ang isang dating pulis makaraan makipagbarilan sa mga pulis kamakalawa sa anti-drug operation sa Mariveles, Bataan kamakalawa.
Agad binawian ng buhay sa insidente ang suspek na si Alpasel Hamsa y Sulaiman, natanggal sa pagkapulis, sinasabing sangkot sa pagtutulak ng droga at pagbebenta ng baril, residente ng Brgy. Camaya, Mariveles ng nasabing lalawigan.
( RAUL SUSCANO )
2 DRUG USERS PATAY SA BOGA
CAGAYAN DE ORO CITY – Patay ang dalawang drug user makaraan barilin ng hindi nakilalang mga suspek sa Iligan City kamakalawa.
Kinilala ang mga biktimang sina Ramon Gabor at Joel Saballe, residente ng magkaibang barangay sa lungsod.
Si Gabor, sinasabing matagal nang huminto sa paggamit ng droga, ay binaril nang malapitan ng mga suspek na nakamaskara.
Hirap din ang pamilya ni Saballe na makilala ang limang suspek na bumaril sa biktima dahil nakasuot ng bonnet ang mga suspek.
TULAK KUMASA SA PARAK, TIGBAK
LAOAG CITY – Agad binawian ng buhay ang isang hinihinalang drug pusher makaraan makipagpalitan ng putok sa mga pulis sa buy-bust operation sa isang apartment building sa Brgy. 7-B sa nabanggit na lungsod.
Kinilala ang drug suspect na si Roel Andres, alyas Yalip, kabilang sa mga minamanmanan ng mga awtoridad dahil sa kanyang ilegal na aktibidad.
