Vico Sotto, nagpaalam kina Vic at Coney para ligawan si Maine

TRULILI kaya na nagpaalam si Vico Sotto, anak ni Vic Sotto kay Coney Reyes na liligawan nito si Maine Mendoza at balitang pinayagan naman daw ng TV host/actor.

Nakatsikahan namin kamakailan ang aming source na kaya sobrang asikaso ni Vico si Maine kapag nasa remote ang Eat Bulaga sa Barangay na nasasakupan nito sa Pasig City at dahil nga gusto nitong manligaw at alam daw ito ng mga taga-produksiyon.

Hindi nga lang daw mai-broadcast ang panliligaw ni Vico kay Maine dahil sa loveteam nila ni Alden Richards.

Oo nga naman, tiyak na magiging kontrabida ang anak ni bossing Vic sa tambalang AlDub at baka walang humpay na bash ang matikman nito.

Eh, teka, hindi ba nanliligaw si Alden kay Maine?  Kasi kung hindi, eh, may dahilan pala kaya nagpaalam si Vico sa tatay niya.

Siguro nga huwag munang umeksena si Vico habang mainit pa ang AlDub lalo’t kumukita pa rin sa mga sinehan ang Imagine You and Me.

FACT SHEET – Reggee Bonoan