Doble Kara, laging wagi sa ratings game kaya extended na naman

HINDI kasi namin napapanood kaya wala kaming maikuwento tungkol sa panghapong seryeng Doble Kara nina Julia Montes at Sam Milby kaya nagugulat kami na marami palang nanonood nito.

Ibig sabihin Ateng Maricris, kami lang ang hindi nakatutok kasi oras ng deadlines? (Sa IWant TV ko rin siya pinanonood. Hindi ko pinalalampas ang isang araw na hindi ko siya napapanood kasi nga exciting na ang mga nangyayari.—ED)

Anyway, consistent winner pala ito sa ratings game maski anong itapat na programa ng GMA 7 kaya naman pala ilang beses ng na-extend ang serye ni Julia at balita nga namin ay extended ulit ito, tama ba Ateng Maricris?

Winner ang Doble Kara noong Martes sa datos ng Kantar Media na 16.8% kompara sa Sinungaling Mong Puso na 9% lang.

Anyway, base sa aming patnugot na si Ateng Maricris ay maganda na ang episode ngayon ng Doble Kara dahil nagkapatawaran na ang kambal na sina Kara at Sara at si Alex na ginagampanan ni Maxene Magalona na kalabang matindi ng magkapatid.

FACT SHEET – Reggee Bonoan