HATAW! D'yaryo ng Bayan hatawtabloid.com
MISMONG si Willie Revillame—sa pamamagitan ng text message—ang nag-aanunsiyo ng mga pigurang inaani sa ratings ng kanyang Wowowin.
Ang latest, nagtala ang kanyang pang-araw-araw na programa ng mahigit seven (7) points as opposed sa katapat nitong We Will Survive na pinakamataas na ang apat na porsiyento ang nakukuha.
Kaya naman walang pagsidlan ang tuwa ni Kuya Wil these days lalo’t pumirma siyang muli ng one-year contract sa GMA.
Samantala, nagpaumanhin naman ang TV host sa kanyang ‘di pagsipot nang pasinayaan ang meat shop ng kanyang nanay-nanayang si Cristy Fermin. Last July 8 binuksan sa publiko ang Meat Ferminute ng batikang kolumnista/radio anchor.
Ani Kuya Wil, lumuwas kasi mula sa Baguio ang kanyang mga anak kabilang si Meryl Soriano at ang anak nito. ‘Yun lang daw ang kanilang time para mag-bonding.
By the way, tatak-Susan’s ang pangunahing processed meat label na itinitinda sa puwesto ni Tita Cristy na katabing-katabi mismo ng kanyang art gallery (Mga Obra ni Nanay) na matatagpuan sa #3 Scout Gandia cor. Sct. Reyes Sts.
Ang Susan’s—named after Susan Hernandez na dating nagtatrabaho sa banko—ay kilala sa buong Nueva Ecija, ang home province ni Tita Cristy.
Kabilang din sa mga produktong mabibili roon ang Ariel’s Silvanas mula sa gatas ng kalabaw.
So there.
( RONNIE CARRASCO III )
