Julia, hirap pa ring sumulong ang career

NAPAG-IIWANAN na ni Janella Salvador si Julia Barretto dahil umaariba ang karir ng una. Maliban sa mayroong Born for You si Janella, mayroon ding mga product endorsement.

Kaya naman, marami ang nagtatanong kung bakit hanggang ngayon ay hindi pa rin sumusulong ang karera ni Julia na kung tutuusin ay isa siyang perfect star material.

Maganda ang ginawang exposure sa kanya ng Star Margic dahil binigyan siya ng TV series noong 2014, ang Mirabella at And I Love You So pero deadma pa rin sa kanya ang masa.

Binigyan din siya ng ka-loveteam sa katauhan ni Julian Estrada pagkaraan ay si Enrique Gil gayundin ang anak ni Piolo Pascual na si Inigo pero wala pa ring epek sa madlang pipol ang magandang batang Barretto.

Maraming nag-iisip na bakit parang pasan ni Julia ang daigdig? Ito ba ay may kinamalan sa kanyang problemang pampamilya? Aminin man o hindi, malaking marka ang iniwan nito nang inayawan nitong gamitin ang kanyang apelyido na hindi nagustuhan ng masang Pinoy.

STARNEWS UPLOAD – Alex Datu