Rocco, iniiyakan pa rin si Lovi

MAALIWALAS ang mukha ni Rocco Nacino nang makatsikahan namin. Pinipilit daw niyang mag-move on sa paghihiwalay nila ni Lovi Poe. Masakit para sa kanya ang nangyari at hanggang ngayon daw ay hindi pa rin niya tapos iyakan.

Hindi rin daw niya alam kung wala nang chance na magkabalikan sila dahil laging bukas naman daw ang pinto.

Matagal na raw na wala silang communication ni Lovi at nakatuon ang oras niya sa bagong seryeng ginagawa.

Wala raw kinalaman sa mga isyung naglabasan ang paghihiwalay nila ng aktres. Sure rin daw siya na walang third party involved. Personal daw ang reason.

Happy din daw siya na tinulungan siya ni Lovi at  nilinis ang name niya sa isyung paglustay  umano ng joint  account nila. Nandoon daw si Lovi sa side niya noong time na ‘yun dahil wala naman daw katotohanan at wala raw silang joint account.

“Kilala naman niya ako at kilala rin niya ang pamilya ko. Hindi naman ako pinalaki ng ganoon,” deklara niya.

Hindi naman daw niya kailangan ang pera ng ibang tao dahil kumikita rin naman daw siya.

Minsan daw ay nagkita sila at nagbatian naman. Parang hi and hello.

Wala naman daw siyang regrets sa naging relasyon nila ni Lovi at maraming good memories.

“Pinakamalalim ko ito pinaka-nagmahal ako,” sey pa niya.

TALBOG – Roldan Castro