HATAW! D'yaryo ng Bayan hatawtabloid.com
SUGATAN ang isang 17-anyos binatilyo makaraan barilin sa likod ng sumpak ng apat hindi nakilalang mga lalaki sa Tondo, Maynila kamakalawa ng gabi.
Nilalapatan ng lunas sa Gat Andres Bonifacio Hospital ang biktimang si Angelo Masicampo, ng Gate 7, Parola Compound, Tondo, Maynila.
Habang inaalam pa ang pagkakilanlan ng apat na mga suspek na mabilis na nakatakas.
Ayon sa pulisya, dakong 9 p.m. nang maganap ang insidente sa Gate 7, Parola Compound.
Ayon sa kaibigan ng biktima na si Ronel Roco, 16, sila ay nakatayo habang nagkukuwentuhan sa naturang lugar nang biglang sumulpot ang apat na mga lalaki.
Pagkaraan ay bumunot ng sumpak ang isa sa mga suspek at pinaputukan ang biktima sa likod.
Makaraan ang insidente, mabilis na tumakas ang mga salarin.
( LEONARD BASILIO, may kasamang ulat ni Kimbee Yabut )
