Jessy, ‘di itinagong may pag-asa sa kanya si Luis

MAGAAN ang buhay ngayon ng Banana Sundae star na si Jessy Mendiola dahil wagi siya bilang no. 1 Sexiest Women in the Philippines  ng isang men’s magazine.

Bukod dito, nali-link din siya kay Luis Manzano na posibleng nagbibigay kulay ngayon sa kanyang lovelife.

Hindi naman itinatanggi ni Jessy o itinatago na lumalabas sila ni Luis. Wala naman daw masama dahil pareho silang single. Hindi rin niya masasabing date dahil minsan ay grupo sila ‘pag lumalabas. Ayaw niyang lagyan ng label.

“Halata naman na hindi kami nagtatago kasi may mga picture naman na yes we go out, but yeah Luis and I, we go a very long way pa,”  pahayag ni Jessy sa isang panayam.

Hindi naman niya sinasabi na walang pag-asa si Luis sa kanya   ‘pag niligawan siya pero focus muna siya sa career niya dahil maraming oportunidad na dumarating.

”Ay oo naman. I am not denying anything. Ayoko namang maging sobrang pretentious na wala kasi I have as said Luis is a nice guy and any girl would be lucky to have him,” deklara  pa ni Jessy.

Tuwing Sunday, humuhugot si Jessy sa Banana Sundae pagkatapos ng ASAP 20 kasama sina Angelica Panganiban, John Prats, Jason Gainza, Pokwang, Pooh, JC De Vera , Ryan Bang, Badjie Mortiz, Jobert Austria, Aiko Climaco, at  Sunshine Garcia. Ito ay sa direksiyon nina Bobot Mortiz at Frasco Mortiz.

TALBOG – Roldan Castro