Oyo Sotto, never binawalan si Kristine na magtrabaho

KINUHA namin ang update sa insidente sa Alabang noong September 2015 na muntik nang masagasaan sina Oyo Sotto at kasama nito ng isang kotse.

“A ‘yung naka-Congressman na plate?A wala na, eh. Hindi ko alam kung ano rin nangyari sa kanya pero mukhang siguro, baka alam niyang siya ‘yun so, tumahimik na lang,” pakli niya.

Sad to say, hindi na raw nakilala ni Oyo kung sino iyon.

Samantala, finally natuloy na rin ang pagsasama nina Oyo at Kristine Hermosa sa isang sitcom.

“Kasi noong bagong kasal kami, gusto talaga naming gumawa ng sitcom na magkasama kami. Pero ang dami kasing nangyari, eh. Nabuntis siya agad, tapos nasundan na  naman, tapos ngayon buntis na naman. Parang nagpaplano kami noon na, ‘Tara ipon tayo tapos mag-produce tayo kahit maliit lang. I-present natin sa GMA or ABS, tingnan natin kung sino ang bibili. Eh, hindi natuloy pero iyon, eto natuloy na,” pahayag ni Oyo.

Natuwa naman silang mag-asawa dahil noon pa gustong bumalik ni Kristine pero comedy o action ang gusto niyang gawin. Gusto niya ay light lang ang gawin dahil nagsawa siya talaga sa pagdadrama.

Hindi naman daw hinarang ni Oyo ang alok kay Kristine na project kahit buntis ito.

“Never ko naman siyang binawalan, basta sabi ko nga sa kanya kung okay sa kanya at okay sa doktor niya, walang problema,” pakli ng aktor.

Wala naman daw cut-off  si Kristine dahil mabilis namang natatapos ang kanilang taping. Pinaka-late na raw ‘yung 12 midnight ito matapos.

TALBOG – Roldan Castro