NIA engineer natagpuang hubad at naaagnas sa bahay

ILOILO CITY – Naagnas na ang hubad na katawan ng isang babaeng supervising engineer ng National Irrigation Administration (NIA) nang matagpuan sa tinutuluyang bahay sa Zone 3, Brgy. Tacas, Jaro, Iloilo City kamakalawa.

Ang biktima ay kinilalang si Engr. Marites Satillana, 38, ng Providence Negros, Brgy, Estefania, Bacolod City at pansamantalang naninirahan sa nasabing barangay.

Ayon sa may-ari ng inuupahang bahay na si Frankie Robles, hindi niya napansin na nakapag-miss call pa ang biktima noong Biyernes ng gabi.

Habang palaisispan sa Scene of the Crime Operation (SOCO) kung bakit tila walang senyales ng ‘forcible entry’ sa kuwarto ng biktima at nakakalat na ang mga gamit.

Inaasahan na magiging malaking tulong ang na-recover na cellphone ng biktima sa kalutasan ng kanyang kamatayan.