Shaina, panahog na lang

MARAMI ang nakapuna na nag-improve si Xian Lim sa akting niya sa The Story of Us. Buong ningning na nagpasalamat ang aktor sa mga natutuhan niya kay Direk Cathy Garcia-Molina.

Nag-share siya ng picture sa kanyang IG account na kasama si Direk.

“Sobra akong natakot sa first week nating magkatrabaho pero through out the process, I realized na napakarami kong natutuhan sa ‘yo. Hindi lang sa pag-arte but the way you directed us with so much passion. Hindi lang 100% ang ibinigay mo. From wardrobe, to our looks, to make up and script…ikaw lahat yun,” caption niya.

Nagtapos na ang serye nina Xian at Kim Chiu na nakisawsaw si Shaina Magdayao.

Iniintriga si Shaina na ganyan na lang ba ang takbo ng career niya, panahog?

Talented si Shaina pero parang mailap sa kanya ang suwerte para maging ganap na big star. Wala siya sa kalingkingan ng inabot ng career ng kapatid niyang si Vina Morales.

Hindi kaya dapat ay magre-invent siya sa kanyang career?

TALBOG – Roldan Castro