Pulis na kasabwat ng pinatay na drug pushers mananagot

DOBLENG pananagutan ang kahaharapin ng mga pulis na nasa likod nang pagpatay sa drug pushers para pagtakpan ang kaugnayan nila sa sa illegal drug trade.

Ayon kay incoming Philippine National Police chief Ronald dela Rosa, posibleng kamatayan din ang abutin ng mga pulis na dawit dahil hindi nila titigilan ang paglilinis sa kanilang hanay simula sa kanyang pag-upo sa puwesto.

Giit ng susunod na PNP chief, hindi bebenta sa kanila ang drama ng ilang pulis dahil mas interesado sila sa tunay na paglaban sa droga.

Ito’y kahit mangahulugan nang pagkawala sa kanila ng 1,600 pinaghihinalaang sangkot sa drug related cases o isang porsiyento ng 160,000 kabuuang bilang ng PNP personnel.