HATAW! D'yaryo ng Bayan hatawtabloid.com
SA pelikulang I Love You To Death ay may kissing scene ang mga bidang sina Enchong Dee at Kiray Celis na ayon sa huli ay na-take four sila sa eksenang iyon.
Hindi pa rin daw kasi siya sanay sa eksenang may halikan.
“Sa TV, sa screen, hindi ako sanay,” sabi ni Kiray.
Sa tingin niya, kailan siya masasanay sa kissing scene?
“Sa tingin ko sasanayin nila ako,” natatawang sagot ni Kiray.
Sa pelikulang Love Is Blind unang nagkaroon ng kissing scene si Kiray sa leading man niyang si Derek Ramsay. May nagsabi noon na maarte siya dahil sinabi niya na hindi niya gusto ang nangyaring kissing scene nila ni Derek na feeling niya kasi ay nag-take advantage ito sa kanya.
At ang reaksiyon ni Kiray tungkol doon ay, “Alam naman nila na ‘yun ‘yung weakness ko, eh. So sanay na akong masabihang maarte. At least sa kissing scene ako umaarte, hindi sa ibang mga eksena.”
First time mang nagkasama sa pelikula ay gamay na rin naman nina Kiray at Enchong ang isa’t isa. Madalas naman kasi silang nagkakasama sa mga show ng ABS-CBN 2 na pareho silang nakakontrata. Kaya naman hindi na sila nagkakahiyaan pa na nagpipisilan sila ng puwet.
“Favorite niya kasi ‘yung puwet ko. Malaki kasi ‘yung puwet ko so natutuwa siya. Sabi ko ‘hawakan ko rin ‘yung puwet mo. Hindi porke’t ginagawa mo sa akin, hindi ko gagawin sa ‘yo’,”ang natatawang sabi ni Kiray.
May nararamdaman ba siyang malisya kapag pinipisil ni Enchong ang puwet niya?
“Oo naman kasi lalaki siya.”
MA at PA – Rommel Placente
