Suspek na sangkot sa Bilibid narcotics ring arestado

CEBU CITY – Naaresto ng mga tauhan ng Philippine Drug Enforcement Agency (PDEA) Region 7 ang isang 26-anyos suspek sa drug buy-bust operation sa Brgy. Caretta, Cebu City nitong Miyerkoles ng gabi.

Nakompiska ng mga tauhan ng PDEA ang 1.2 kilo ng shabu na nagkakahalaga ng P1.68 milyon mula sa suspek na si Jovannie Llego.

Ayon kay Leia Albiar, spokesperson ng PDEA Region 7, ang suspek ay konektado sa isang nagngangalang Edjun Arcilla, na nag-o-operate ng drug business mula sa kanyang selda sa New Bilibid Prisons.

Inamin ni Llego, nagtatrabaho siya sa illegal drug trade sa nakaraang limang buwan.

Siya ay dating service crew sa isng mall sa Cebu City ngunit napilitang magtulak ng droga dahil sa kahirapan.