SONA 2016 preparations puspusan na

PUSPUSAN na ang Task Force SONA 2016 SA paghahanda ng magiging kauna-unahang ulat sa bayan ni President elect Rodrigo Duterte.

Pinulong sa Kamara ang magiging bahagi ng SONA preparation, kasama ang media organizations, technical staff, security personnel at iba pang bahagi ng programa.

Una rito, nagpasabi na ang kampo ni Duterte na nais nilang simple lang ang magiging paghahanda sa naturang okasyon at hindi gaya ng mga nakaraang taon.

Gayonman, kailangan pa rin ng Task Force SONA na ikonsidera ang ibang preparasyon lalo’t sabay sa araw ng SONA ang pagbubukas ng 17th Congress sa Hulyo 25, 2016.