HATAW! D'yaryo ng Bayan hatawtabloid.com
NOONG umamin si Michael Pangilinan sa Tonight With Boy Abunda na may relasyon na sila ni Garrie Concepcion, anak ng dating matinee idol noong 80’s na si Gabby Concepcion kay Grace Ibuna, hindi na siya nagdetalye pa kung paano nagsimula ang kanilang pagmamahalan.
Mas gusto kasi niyang panatilihing pribado ang relasyon nila ng dalaga.
“Okay lang na umamin ako, pero hindi ko kailangang ikuwento ‘yung detalye ng pagmamahalan namin. I have my own private life and I’m happy now. We’re in good terms. We’re really really good and we’re happy,” sabi ni Michael na bida sa pelikulang Pare Mahal Mo Raw Ako.
Dagdag niya, ”I’m so proud of her dahil kung ano man siya ngayon at kung ano man kami ngayon. At sobrang natutuwa ako dahil nagkakaintindihan kami sa trabaho, sa time management, sa decision-making, at sa respeto sa isa’t isa, and that’s it. I don’t have to explain kung kailan kami naging official, basta masaya ako at masaya rin siya at masaya tayong lahat.”
Ayon pa kay Michael, magkasundo ang mga pamilya nila ni Garrie.
“Both sides, we’re good. Open siya, open ako sa kanila Nakakapunta ako sa kanila, nakakapunta siya sa amin. And nakikipag-usap naman ‘yung family ko sa family niya.”
Masaya ring ibinalita ni Michael na sa kabila ng mayroon na siyang baby ay tinanggap ‘yun ni Garre at ng pamilya nito.
MA at PA – Rommel Placente
