HATAW! D'yaryo ng Bayan hatawtabloid.com
NAGING parte ng kuwentuhan sa set visit ang pagsipol ni President-electRodrigo Duterte sa news anchor na si Mariz Umali, na ikinasama ng loob ng kanyang asawang si Raffy Tima.
Dahil dito, pabiro naming tinanong si Regine Velsquez-Alcasid na paano kung siya ang sipulan ni Duterte? Ano ang gagawin niya?
“Hindi ko alam, ha!ha!ha!,” pakli niya.
“Sisipulan ko rin,” pagbibiro niyang sagot.
Mas mataas ang sipol niya?
“Oo…’yun lang. …,” natatawa pa rin niyang tugon.
“May kada iba ‘yung tunog, parang sofa lang ha!ha!ha!,” hirit pa niyang nakikipag-joke sa movie press sabay hampas sa hita.
Kinuha rin ang reaksiyon ni Regine sa intrigang banned siya umano sa Smart Araneta Coliseum dahil hindi raw si Secretary Mar Roxas ang sinuportahan niya bilang presidente. May tsikang hindi na raw siya puwedeng mag-perform sa Araneta?
“I don’t think naman it’s true. I don’t think so,” pahayag niya.
“Besides, anong gagawin ko, hindi ko naman talaga siya isu-support, ano ang isasagot ko? Sinabi ko lang talaga na hindi. Wala naman akong sinabing masama,” bulalas pa niya.
Sinabi lang daw niya na may susuportahan siyang iba dahil ang mister niya (Ogie Alcasid) ay sumuporta rin kay Senator Grace Poe.
At saka, ilang years na ring hindi nagpe-perform si Regine sa Araneta dahil palaging sa MOA Arena ginaganap ang concert niya.
TALBOG – Roldan Castro
