Melai, payag nang makipagkita ang anak kay Carlo

TULUYAN na ngang mauuwi sa kasalan ang pag-iibigan nina Edwin (Jeric Raval) at Wilma (Pokwang) ngunit isang pagsubok ang kanilang haharapin ngayong makikilala na ng huli ang kanyang mga magiging biyenan sa Kapamilya afternoon series na We Will Survive.

Nakatakda nang harapin ni Wilma ang mga magulang ni Edwin at susubukang patunayan na siya ay karapat-dapat para sa kanilang anak. Bagamat naikukompara sa dating asawa ng kanyang nobyo, hindi pa rin siya susuko at patuloy na ipakikita ang kanyang kagustuhang maging parte ng kanilang pamilya.

Samantala, unti-unti nang papayagan ni Maricel (Melai Cantiveros) na makipagkita si Pocholo (Carlo Aquino) sa anak nilang si Jude (Josh De Guzman). At kahit matindi pa rin ang galit na nararamdaman ni Maricel para sa kanya, hindi mawawalan ng pag-asa si Pocholo na makuha ang kapatawaran ng ina ng kanyang anak para sa ikabubuti ng lahat.

Marami pang dapat abangan kaya tutukan ang teleseryeng nagpapakita na gaano man kapangit ang mundo, gaganda ang buhay basta’t magkasama tayo, ang We Will Survive tuwing hapon.

UNCUT – Alex Brosas