HATAW! D'yaryo ng Bayan hatawtabloid.com
AKTIBO pala ang fans ni Darren Espanto, ang Darrenatics kaya naman sila ang nanguna sa pakontes ng Wish 107.5, ang Ultimate Fandom Challenge.
Nakatutuwa ang pakontes na ito ng Wish 107.5 dahil ang fans naman ang binibigyan nila ng halaga sa pakontes na ito. “Aside from recognizing the artist eh, kahit paano i-recognize natin ‘yung ating mga taong sumusuporta sa ating artist. Sa tagline nga namin, ‘behind every famous artist is a great fandom,’” ani John Erick Deocampo ng Wish 107.5.
Bale makakalaban ng Darrenatics ang Juanistas (The Juans), Dyfenders (Jason Dy), at Mowienatics (Morisette Amon).
Ani Jeck, magaganap ang labanan nila sa June 20 sa Smart Araneta Coliseum na magpi-perform ang mga artist kasama ang kanilang fans. Bukod ditto, mayroon ding patalbugan sa pagti-trend, lakas ng benta ng album, at online voting.
Sa kabilang banda, maglalaban-laban naman sa Wish Fandom Survivors para sa 4, 5, at 6 na puwesto ang fans nina Juan Karlos Labajo (Juan Karlos United Families Club), Francis Lim (Francisnatics), at Daryl Ong (Darylnatics).
Sinabi pa ni De Ocampo na ang mananalo sa Ultimate Fandom Challenge ay tatanggap ng P2.3-M.
Samantala, suki na pala Espanto sa Wish107. 5 dahil noong isagawa ng radio station ang kanialgn kauna-unahang award para sa upcoming at promising artists in the music scene noong January 26 nanguna ang The Voice Kids season 1 1st runner-up sa rami ng naiuwing award. Ilan dito ay ang Best Cover song, Ballad Song of the Year, at Original Song of the Year.
SHOWBIZ KONEK – Maricris Valdez Nicasio
