4 patay sa salpukan ng bus at tricycle (Sa Iligan City)

CAUAYAN CITY, Isabela – Agad binawian ng buhay ang apat katao makaraan magsalpukan ang isang tricycle at pampasaherong bus sa Brgy. Alibagu, Iligan City kamakalawa.

Kinilala ang mga namatay na sina Leonardo Ander, 39; Elmer Ignacio, 29; Marlito Manalo, 39, at Jerome Galasingao, 33, pawang residente ng Ilagan.

Batay sa imbestigasyon ng Ilagan PNP, nabangga ng isang Florida bus ang isang tricyle.

Ang nasabing bus ay minamaneho ng isang Joseph Pasaraba, 50, residente ng Santa Maria, Lal-lo, Cagayan.

Binabagtas ni Pasaraba direksyon patungong timog ng highway nang biglang umagaw sa linya ang kasalubong na tricycle.

Dahil dito, nagkaroon ng ‘head-on collision’ na naging sanhi nang agarang pagkamatay ng mga biktimang pawang pasahero ng tricycle.

Patuloy ang pagsisiyasat ng pulisya sa insidente.