Tsap-tsap na bangkay sinunog, itinapon sa sementeryo

NAGA CITY – Palaisipan sa mga awtoridad ang pagkakilanlan ng isang bangkay na pinira-piraso at itinapon sa isang sementeryo sa Brgy. Resureccion, San Fernando, Masbate kamakalawa.

Napag-alaman, natagpuan ng caretaker ng nasabing sementeryo ang isang katawan na wala nang ulo, braso at mga paa.

Nabatid din na sunog na ang bangkay na itinapon sa nasabing lugar.

Sa ngayon, patuloy ang ginagawang imbestigasyon ng mga awtoridad para matukoy kung sino ang nasabing biktima at ang suspek sa likod ng nasabing pagpaslang.