Van sumalpok sa kotse 9 bakasyonista sugatan (Sa CamNorte)

NAGA CITY – Sugatan ang siyam katao nang sumalpok sa poste ang sinasakyan nilang van sa Paracale, Camarines Norte kamakalawa.

Kinilala ang mga biktimang sina Rengan Balon, 31; Mary Grace Bercasio, 28; Qichin Raval, 28; Melanie Neuda, 27; Mary Ann Publini, 26; Brenda Erika Bolado, 24; Cadigo Andales, 24; Andrea Tolentino, 24, at Mary Ann Balbrono, 24-anyos.

Habang binabaybay nang nasabing sasakyan na minamaneho ni Angelito Bagayna, 25, ang kalsada sa nasabing lugar nang bigla itong mawalan ng preno hanggang sa bumangga sa isang poste at nagtuloy-tuloy sa palayan.

Agad isinugod ang mga biktima sa pinakamalapit na pagamutan.

Napag-alaman, papunta sana sa Calaguas Island ang mga biktima para magbakasyon.