Birthday girl todas sa tama ng kidlat

BUTUAN CITY – Binawian ng buhay ang isang dalagita makaraan tamaan ng kidlat isang araw makaraan niyang ipagdiwang ang kanyang ika-15 kaarawan sa Purok 2, Brgy. Doongan sa lungsod ng Butuan.

Ayon kay Cristy Burillo, tiyahin ng 15-anyos na si Manuela Burillo, naligo sa malakas na ulan kamakalawa ng hapon ang biktima kasama ang dalawa niyang mga pinsan sa itaas na bahagi ng mga basurahan.

Bigla na lang kumidlat at tinamaan ang mga kabataan na tumilapon sa malayo.

Pagkaraan, natagpuan ang magpinsan na nakabulagta habang may mga sunog sa katawan si Burillo.

Isinugod sa ospital ang tatlo ngunit idineklarang patay na ang biktima.