PNoy abala sa paper works, monitoring

NILINAW ng Malacañang na abala si Pangulong Benigno “Noynoy” Aquino III sa paglagda nang nakabinbing mga dokumento sa kanyang tanggapan.

Magugunitang marami ang nagtataka dahil wala pang public engagement si Pangulong Aquino simula nitong Martes o pagkatapos ng eleksiyon na ikinatalo ng kanyang pambatong si Sec. Mar Roxas.

Naging abala rin ang punong ehekutibo sa pag-iikot sa pangangampanya sa iba’t ibang panig ng bansa.

Sinabi ni Communications Sec. Sonny Coloma, patuloy ang monitoring ni Pangulong Aquino sa sitwasyon makaraan ang halalan.

Ayon kay Coloma, bukod sa pagtanggap ni Pangulong Aquino ng update ng ulat mula sa security forces hinggil sa katatapos na eleksiyon, tutok din siya sa operasyon laban sa teroristang grupong Abu Sayyaf.