Lola dedbol sa bundol ng bus sa Quezon

NAGA CITY – Patay ang isang lola makaraan mabundol ng isang pampasaherong bus sa Pagbilao, Quezon kamakalawa.

Kinilala ang biktimang si Milanda Tiñana, 69-anyos.

Napag-alaman, tumatawid ang biktima sa kalsada sa Maharlika Highway sa Brgy. Binahaan sa nasabing lugar nang mabundol ng isang pampasaherong bus na minamaneho ni Marlon Danao, 34-anyos.

Agad isinugod ang biktima sa ospital ngunit idineklarang dead on arrival ng mga doktor.

Sa ngayon, nasa kostudiya na ng mga awtoridad ang suspek.